Yanga, Simba presha tup

Rais wa TFF Leodegar Tenga

HOMA ya pambano la watani wa jadi, Yanga na Simba imezidi kupanda baada ya vigogo wa timu hizo kufunga safari katika kambi zao zilizopigwa Pemba na Uguja, Zanzibar.
Mwenyekiti wa Simba, Ismail Aden Rage amelazimika kukatiza vikao vya Bunge kwa muda mkoani Dodoma, na kurejea Dar es Salaam kupanga mikakati ya timu yake kuikabili Yanga keshokutwa.
Yanga na Simba zitacheza Jumamosi katika mechi ya marudiano na ya kufunga dimba ya Ligi Kuu ya Tanzania Bara kwenye Uwanja wa Taifa, Dar es Salaam.
Pambano hilo la watani wa jadi litakuwa la kulinda heshima kwani tayari Yanga imetawazwa mabingwa wapya wakiipoka kombe Simba, na pia mshindi wa pili amejulikana kuwa ni Azam FC kwa mara ya pili mfululizo.
Hata hivyo, kutokana na utani wa jadi kati ya miamba hiyo na ukweli kuwa vikosi viwili hivyo vina sura tofauti, pambano hilo linasubiriwa kwa hamu.
Wakati Yanga ikijivunia wachezaji wazoefu na chipukizi kadhaa, Simba imeamua kutumia wachezaji chipukizi mwishoni mwa msimu baada ya kuwatema wachezaji wake wengi wazoefu.
Aidha, Yanga inalichukulia kwa uzito mkubwa pambano hilo ikipania kurejesha kipigo cha mabao 5-0 ilichokipata kwa Simba katika mechi ya mwisho mwaka jana.
Kutokana na uzito huo, Rage jana aliondoka hapa kurejea Dar es Salaam ambako inaelezwa kuwa alitarajiwa kuongoza kikao kizito jana jioni kabla ya baadhi ya vigogo wa timu hiyo kwenda kambini Unguja.
Wakati hayo yakiendelea kwa upande wa Simba, tayari baadhi ya vigogo wa Yanga, Seif Magari na Abdallah Bin Kleb waliondoka jana kwenda Pemba ilipoweka kambi timu yao.
Rage, ambaye ni Mbunge wa Tabora Mjini (CCM), alithibitisha jana kurejea Dar es Salaam, lakini akasema atakuwapo Dodoma leo.
“Ni kweli hivi sasa naelekea Dar, lakini nitarudi kesho, nina kikao muhimu leo jioni (jana),” alisema Rage na alipoulizwa kama ni kuhusu pambano la Simba na Yanga, alicheka na kueleza “ni kikao muhimu cha kazi.”
Inaaminika kuwa Rage alikwenda kuonana na Kundi la Marafiki wa Simba ‘Friends of Simba’ kupanga mkakati wa kuibuka na ushindi keshokutwa.
Wakati Rage akirejea Dar es Salaam kwa muda, wabunge wa Yanga jana walijitokeza kujibu mapigo ya wenzao wa Simba yaliyotolewa juzi na Profesa Juma Kapuya.
Mwenyekiti wa Kamati ya Kudumu ya Uchumi, Viwanda na Biashara, Mahmoud Mgimwa, alitangaza jana bungeni kuwa ubingwa wa Yanga utanoga kwa kuifunga Simba.
“Nampongeza Mwenyekiti wa Yanga, Yussuf Manji kwa Yanga kutwaa ubingwa, lakini ubingwa utanoga kama tutaifunga Simba na hivyo itafanya wamfukuze vizuri Mwenyekiti wao Rage ambaye yupo hapa,” alisema Mgimwa ambaye ni Mbunge wa Mufindi Kaskazini.
Awali, Mwenyekiti wa Bunge, Mussa Azzan Zungu akiongoza kikao cha asubuhi, alimpongeza Manji kwa Yanga kutwaa ubingwa, akisema amefanya hivyo kwa kuwa mabingwa hao wako jimboni mwake.
Yanga na Simba zote ziko visiwani Zanzibar, kwa vijana wa Jangwani kujifua Pemba na vijana wa Msimbazi, kujifua Unguja, tayari kwa pambano ambalo mwamuzi Martin Saanya wa Morogoro atapuliza filimbi.

BABA JONII KUTAMBULISHA SINGLES

Adam Mchomvu a.k.a baba jonii Radio presenter clouds fm mwenye crown ya best presenter, anatarajia kutoa mixtape yenye  ngoma kumi na nane LEO  alioshirikiana na wasanii mbali mbali kama Jose Mtambo, Banana Zorro, Illimatix, Cliff mitindo, G.nako, Nikk war 2, Babuu war kitaa, TID, na wasanii wengine wengi kama zawadi kwa mashabiki wake ibaki kama kumbukumbu kwa kile anachokifanya hewani (on air) ... mixtape itaingia kitaani soon baada kupreview ngoma hizo ndani ya double XL (XXL) kuanzia saa tisa alasiri kwa hot 3 @ 3 ..... big up baba la baba!

Wabunge CCM kuteta na Kikwete

RAIS Jakaya Kikwete anatarajiwa kukutana na wabunge wa CCM kwa siku mbili mfululizo kuanzia Mei 18 hadi 19, mwaka huu, ikiwa ni kikao cha kazi na kushauriana juu ya utekelezaji wa Ilani ya CCM nchini.

Akizungumza na waandishi wa habari Dar es Salaam jana, Katibu wa Itikadi na Uenezi wa Halmashauri Kuu ya Taifa ya CCM, Nape Nnauye, alisema katika kikao hicho, Rais Kikwete atafuatana na wajumbe wa sekretarieti ya chama hicho.

“Hii itakuwa ni mara ya kwanza kwa Rais kukutana na wabunge wa CCM kwa muda huo wa siku mbili, na hoja zitakazojadiliwa ni nyingi lakini kubwa ni namna utekelezaji wa Ilani ya CCM ulipofikia, changamoto zake na namna ya kuzitatua,” alisema Nape.

Alisema katika mkutano huo, wabunge hao watapata fursa ya kutoa maoni kuhusu utekelezaji wa Ilani na nini kifanyike kuitekeleza ipasavyo kwa faida ya Watanzania.

“Naomba niweke wazi kuwa kikao hiki hakitakuwa na uhusiano wowote wa kudhibitiana, hapa kitakachofanyika ni kushauriana na wabunge wetu, mwisho wa siku atakayefaidika ni mwananchi wa kawaida,” alisisitiza.

Pamoja na hayo, Nape alisema baada ya mkutano huo, Kamati Kuu ya CCM (CC) itakutana katika mkutano wake wa kawaida, Mei 20 hadi 21.

Akizungumzia yaliyojiri katika mkutano wa siku moja wa CC uliomalizika juzi, Nape alisema CC, pamoja na mambo mengine, ilipokea taarifa kutoka kwa Waziri wa Mambo ya Ndani ya Nchi, Dk Emmanuel Nchimbi, kuhusu tukio la mlipuko wa bomu Arusha.

Alisema pamoja na kuridhika na hatua zilizochukuliwa baada ya tukio hilo, ilililaani kutokana na kurudisha nyuma maendeleo ya nchi na kuielekeza Serikali, ifanye uchunguzi na upelelezi wake kwa kasi ili kukamata wahusika wa matukio ya uvunjifu wa amani nchini.

“Tumeielekeza Serikali iongeze kasi ya kusaka na kuwakamata wahusika wa tukio hili la Arusha na isishughulikie matawi pekee, bali itafute mizizi na kuing’oa ili liwe fundisho kwa wengine wenye nia hiyo,” alisisitiza.

HISANI YA HABARI LEO

Serikali kutoa tamko la viroba

WIZARA ya Viwanda na Biashara itakaa na Ofisi ya Waziri Mkuu na wadau wengine kuchambua na kujadili athari zinazodaiwa kusababishwa na pombe kali maarufu kama viroba kabla ya kutoa tamko.

Waziri wa Viwanda na Biashara, Dk Abdallah Kigoda alisema jana bungeni, kwamba wizara yake itakaa kujadiliana na Ofisi hiyo ya Waziri Mkuu, Wizara ya Fedha, Mwanasheria Mkuu wa Serikali, Wizara ya Afya na Ustawi wa Jamii na Wizara ya Elimu na Mafunzo ya Ufundi kufikia uamuzi muafaka. Dk Kigoda alisema hayo jana wakati akiwasilisha bungeni makadirio ya matumizi ya fedha ya Wizara ya Viwanda na Biashara kwa mwaka 2013/14.

Uamuzi huo wa wizara unatokana na malalamiko yaliyotolewa wiki iliyopita na Mbunge wa Viti Maalumu, Lediana Mng’ong’o (CCM) akishutumu pombe hiyo inayowekwa kwenye mifuko, kwamba imechangia kuharibu watoto, vijana na pia kusababisha ajali kutokana na kununuliwa na kunywewa kiholela. Mbunge huyo alisema baadhi ya madereva wamekuwa wakiendesha magari huku wakinywa pombe hiyo.

“Tunaomba mpige marufuku viroba. Pombe hii imeharibu watoto na vijana katika shule; madereva wanaendesha magari wanakunywa viroba,” alisema Mng’ong’o na kuhoji kama Kenya na Uganda wamemudu kuipiga marufuku, iweje nchini ishindikane.

Waziri wa Afya na Ustawi wa Jamii, Dk Hussein Mwinyi, wakati akijumuisha michango ya wabunge, alisema wizara yake haiwezi kutamka kama pombe hiyo ipigwe marufuku kwa kuwa suala hilo liko mikononi mwa Wizara ya Viwanda.

Wakati huo huo, Sheria ya Biashara ya Chuma Chakavu iko mbioni kutungwa kutokana na muswada husika kufanyiwa maboresho kabla ya kuwasilishwa kwenye Baraza la Mawaziri kwa uamuzi.

Waziri wa Viwanda na Biashara, Dk Abdallah Kigoda alisema jana bungeni kwamba wizara yake kwa kushirikiana na Ofisi ya Mwanasheria Mkuu wa Serikali imekamilisha uandaaji wa rasimu ya sheria ya biashara hiyo baada ya kujadiliwa katika ngazi ya makatibu wakuu.

“Muswada wa kutunga sheria hiyo unafanyiwa maboresho ili kuwasilishwa Baraza la Mawaziri kwa uamuzi na hatimaye Kamati ya Sheria na Katiba kuwasilishwa rasmi bungeni,” alisema Dk Kigoda.

Dk Kigoda alisema katika bajeti ya mwaka 2013/14 wizara yake inaendelea kukamilisha sheria na kuandaa kanuni za biashara ya chuma chakavu.

Katika mwaka ujao wa fedha, wizara na taasisi zilizo chini yake, imeomba kutengewa Sh 108,502,631,820 kwa ajili ya kutekeleza majukumu ya kuendeleza sekta ya viwanda, biashara, masoko, viwanda vidogo na biashara ndogo. Kati ya fedha hizo, Sh 29,665,989,000 ni kwa ajili ya matumizi ya kawaida na Sh 78,836,642,820 zimeombwa kwa ajili ya matumizi ya miradi ya maendeleo.

Pochi ya Mwanamke

Pochi ni sehemu muhimu sana katika maisha ya mwanamke. Pochi zipo za aina, rangi, ukubwa na matumizi mbali mbali. Ni nadra sana kukutana na binti au mama anayetembea bila pochi, na kwa wengine maisha yao yote wanatembea nayo kwenye pochi.
Kuna vitu muhimu ambavyo ni lazima kila mwanamke akumbuke kutembea navyo kwenye pochi, na kuna vingine ni vyema kuwa navyo lakini sio lazima.

Muhimu
1. Pini
2. Sindano na uzi
3. Vifungo
4. Dawa yoyote ambayo unaitumia na kuihitaji
5. Kitambulisho
6. Pedi
7. Kalamu na notebook

Ukipenda
1. Perfume
2. Lip shiner / lip stick
3. Poda
4. Kitana
5. Khanga / mtandio
6. Kadi ya benki
7. Sandals kama unavaa viatu virefu

Tibu chunusi kwa kutumia limau!

Limau kulina tindikali aina ya citric ambayo inasaidia kuponya chunusi. Vilevile tunda hilo lina Vitamin C ambayo ni muhimu katika kuifanya ngozi iwe na afya wakati alkali inayopatikana katika limau nayo husaidia kuua vijidudu vinavyosababisha chunusi.
Kunywa juisi ya limau kama chakula cha kwanza asubuhi kunaaminika kusadia kuboresha ngozi.
Jinsi ya kutengeneza nyumbani mchanganyiko wa limau kwa ajili ya kutibu chunusi:
• Kwa kutumia pamba paka maji ya limau katika sehemu yenye chunusi na wacha kwa usiku kucha.
• Safisha kwa maji safi asubuhi inayofuata.
• Ingawa unaweza ukahisi kuwashwa wakati unapopatumia mchanganyiko huo juu ya ngozi mara ya kwanza, lakini baadaye hali hiyo huzoeleka.
Au

1. Changanya maji ya limau ulioyakamu kutoka katika kipnde kimoja cha limao na changanya na maji ya waridi (rose water) au asali nyepesi kwa kiwango hicho hicho.
2. Paka mchanganyiko huo katika sehemu za ngozi zenye chunusi na subiri kwa muda usiopungua nusu saa mpaka saa lizima.
3. Baadye osha kwa maji.
Mchanganyiko huu unapaswa kupakwa mara mbili kwa siku, bora utumiea asubuhi na jioni.
Muhimu: kutumia mchanganyiko huu hakuna madhara na ni wa asilia, lakini iwapo chunusi zinazidi au kuna vidonda vinavyoambatana na chunusi ni bora upate uchauri wa daktari kwanza.

Ngozi zenye mafuta na jinsi ya kuzitunza

Ngozi yenye mafuta kwa kawaida huwa inang'ara, nene na yenye rangi iliyotitia. Mara nyingi ngozi yenye mafuta mengi sana huwa na chunusi nyingi na vipelepele na mara nyingine huwa na chunusi zenye vichwa vyeusi. Katika aina hizi za ngozi mafuta hutokana na tezi za sebaceous na kuzalisha mafuta zaidi ya kiwango kinachotakiwa. Mafuta hayo husambaa katika ngozi na kuifanya iwe na mafuta mafuta.
Sababu zinazosababisha ngozi kuwa na mafuta:
• Kuridhi.
• Lishe.
• Kiwango cha homoni mbalimbali mwilini.
• Ujauzito.
• Vidonge vya kuzuia mimba.
• Baadhi ya vipodozi .
• Hali ya unyevu (humidity) na hali ya hewa ya joto.

Namna ya kutunza ngozi zenye mafuta
Faida kubwa ya kuwa na ngozi yenye mafuta ni kuwa haizeeki kwa haraka ikilinganishwa na aina nyinginezo za ngozi. Miongoni mwa mambo yanayosaidia ili kuitunza ngozi yenye mafuta na kuiepusha na chunusi na hali isiyopendeza ni:-
1. Ngozi yenye mafuta inahitajia kusafishwa vyema kwa maji ya moto na sabuni ili kuzuia vinyweleo visizibwe na mafuta.
2. Epusha vifaa vigumu visikwaruze uso wako na kupelekea ngozi kubanduka, kwani suala hilo husababisha tezi za mafuta kufanya kazi zaidi ili kujaza sehemu iliyopotea ya mafuta.
3. Epuka kutumia vipodozi ambavyo huifanya ngozi yako ipotze maji au kukauka. Kwani husababisha sehemu ya juu ya ngozi inyauke, na hivyo kusababisha mafuta kuziba vinyweleo na kupelekea kutokea vichwa vyeusi.
4. Jitahidi kuitunza vyema ngozi yako na kuisafisha vizuri. Jaribu kuosha uso mara mbili au tatu kwa siku. Usioshe mara nyingi kwani kufanya hivyo huufanya uso kutoa mafuta zaidi.
5. Chagua kile unachosafishia kwa makini, jiepushe kutumia cream nzito nzito au vifaa vugumu wakati wa kuosha uso wako. Ni bora utumie sabuni za kawaida zisizokuwa na madawa. Unaweza kutumia lotion ya kuua bacteria au sabuni zisizo na dawa nyingi (lightly medicated), au sabuni zenye madini mbalimbali. Ni bora usioshe au kutumia lotion au michanganyiko yenye alkoholi.
6. Tumia maji ya moto au ya vuguvugu wakati unaosha uso wako.
7. Wakati unapoosha uso wako, ukande kwa kutumia ncha za vidole, jiepushe kupaka sabuni moja kwa moja usoni, inaweza kuganda na kuzuia vinyweleo kuziba.
8. Kutumia mask za udongo (clay) na tope (mud) husaidia katika ngozi za aina hii. Ni bora utumie mask mara moja au mbili kwa wiki.
9. Jitahidi kutumia vipodozi vya uso ambavyo vimetengenezwa kwa ajili ya ngozi yenye mafuta.

MWAISABULA: JKT RUVU MSIMU UJAO WATAKUWA MAAFANDE KWELI KWELI!!

Kocha mpya wa maafande wa jeshi la kujenga taifa wa mkoani Pwani, JKT Ruvu, Keny Mwaisabula “Mzazi” kesho anatarajia kuanza mazoezi na kikosi cha timu hiyo kujiandaa na kipute cha funga pazia la ligi kuu soka Tanzania bara dhidi ya watengeneza sukari wa Mtibwa Sugar wenye makazi yao mashamba ya miwa Turiani Mkoani Morogoro.

Mwaisabula ameipasha FULLSHANGWE kuwa tayari amemwaga wino katika karatasi ya mkataba wa kuwanoamaafande hao wa jeshi na sasa hesabu zake ni msimu ujao wa ligi kuu unaotarajia kuanza mwezi wa nane mwaka huu.

“Kimsingi JKT Ruvu nina mkataba nao, naanza mazoezi mepesi kuwaandaa kwa ajili ya mchezo wa mwisho dhidi ya Mtibwa, vijana kiukweli ni wazuri sana ila kuna mambo madogo wanakosa”. Alisema Mwaisabula maarufu kwa jina la “Mzazi”.

Kocha huyo mwenye historia ya kuzifundisha timu nyingi wakiwemo mabingwa wa sasa wa ligi kuu bara, klabu ya Yanga ya Dar es salaam, aliongeza kuwa kikosi cha maafande hao ni kizuri, wachezaji wanaweza kucheza mpira lakini wamekosa masaada wa kisaikolijia na hilo ndio jukumu mojawapo kwake kwa sasa.

“Timu ni nzuri, natakiwa kuwajenga kisaikolojia ili wajiamini zaidi, walipatwa na mshituko baada ya Kilinda kuwaacha katika kipindi kigumu, lakini naamini nitaweza kuwarudisha katika soka la ushindani kama misimu ya nyuma”. Alisema Mwaisabula.

Mwaisabula alisisitiza kuwa baada ya msimu huu wa ligi kuu kumalizika atakaa chini na kuandaa ripoti yake ambayo itajumuisha mapendekezo ya marekebisho ya kikosi ili aongeze bunduki kali za msimu ujao.

Pia alisema anafurahishwa sana na ushirikiano mkubwa kutoka kwa viongozi wa timu hiyo ingawa amekaa kwa muda mfupi.

“Viongozi wangu Wanaonesha upendo na mshikamano mkubwa kwangu, nitawalipa fadhila kwa kuunda kikosi kikali cha kushindana msimu ujao”. Alisema Mwaisabula.

hisani ; fullshangwe

Matatu ya Somalia yagoma

 Waendesha mabasi nchini Somalia wamegoma kwa siku ya pili kwa sababu wanasema inabidi wawalipe rushwa wanajeshi wa serikali na polisi katika vituo vya ukaguzi.

Madereva wa mabasi na malori mjini Mogadishu na miji mengine wamekataa kufanya kazi hadi swala hilo limeshughulikiwa.

Kikosi cha Umoja wa Mataifa nchini Somalia, AMISOM, kimeingilia kati kujaribu kutatua mkwamo huo.

Msemaji wa polisi ameiambia BBC kwamba wanachunguza malalamiko hayo lakini hawana habari kwamba askari polisi wanadai hongo.

WHO yasema coronavirus yaambukiza

Shirika la Afya Duniani, WHO, linasema inaelekea sana kuwa aina mpya ya virusi vinavouwa, vya coronavirus, vinaweza kuambukizwa baina ya watu walio karibu sana.

Virusi hivyo ni sawa na vile vya homa ya SARS (Severe Acute Respiratory Syndrome) na vinamfanya mgonjwa kuwa na shida sana ya kuvuta pumzi.

Nchini Ufaransa mwanamume mwengine hivi sasa ni mahtuti baada ya kuambukizwa na mgonjwa wa mwanzo nchini humo, ambaye walilazwa chumba kimoja hospitali.

Hadi sasa watu 34 wanajulikana kupata ugonjwa huo duniani tangu mwaka wa 2012, 18 kati yao walikufa Saudi Arabia.

WHO inasema ni muhimu kujulisha watu kuhusu virusi hivyo kwa sababu kuna wasi-wasi mkubwa kuwa vinaweza kusambaa.

Mitindo rahisi ya nywele ya kuchana nyumbani

NYWELE na mitindo yake ni kitu kinachowagharimu sana wanawake, hasa katika matumizi ya fedha na muda.

Hali hiyo hufanya wengi kutafuta mitindo ambayo itakaa kichwani muda mrefu bila kwenda saluni ama bila kuchana nywele nyumbani, kwani huwa ni vigumu, mtindo wa nywele hasa ule wa mara moja kuweza kuurudia uwapo nyumbani ama asubuhi wakati wa kwenda kazini.

Kuna mitindo mingi ya kujitengeneza nyumbani bila kwenda saluni, ukarekebisha nywele zako na ukaoneka mtanashati.

Kwa wale wenye nywele ndefu, chana nywele vizuri na zivute sana, halafu zikusanye kabla ya kufika kisogoni kisha unaweza kuzibania hapo au ukazivutia kwa pembeni na ukabana pia.

Ni vyema kama utabana na kibanio chenye  extension kwani hiki husaidia kuzishika nywele ipasavyo, na kuondoa kuvurugika nywele haraka.

Hakikisha una vifaa vyote vya nywele ikiwa ni pamoja na vitana vya aina zote, shampoo kwa kuosha nywele inapobidi kufanya hivyo nyumbani, mafuta ya nywele, spray, pink losheni, conditioner nakadhalika, ili kukupa urahisi pale unapofikiria mtindo wa haraka wa kutengeneza nyumbani.

a nywele fupi ambazo zina dawa, hakikisha umeweka mawimbi mazito, na wakati wa kuchana chukua kitana chenye meno makubwa yaliyoachana kisha chana kwa kufuata upande, aidha kama unataka mtindo wa pembeni chana kwa kufuata upande wa kushoto au kulia, chana kwa kuchambua ili yasiharibike.

pia unaweza kuchana nywele kwa kitana kikubwa kabisa, bila kuzilaza na kuzivuta kwa nyuma kwa kuzigawanya, utapa mtindo rahisi na wa kupendeza.


Kwa waliosuka 'wiving' chukua kitana maalum kwa ajili ya wiving, kisha chambua mstari mmoja, chana, pitia wa pili mpaka utakapomaliza, kisha changanya kwa kuchana nywele zote na zibane kama ni ndefu.


Kumbuka hii ni mitindo myepesi ya kuchana uwapo nyumbani bila kwenda saluni, na ukimaliza kutengeneza nywele ni vyema ukazinakshi kwa spray kwa ajili ya kuzifanya zing'ae na zenye kupendeza.

REDDS MISS KIBAHA 2013

KAMATI  ya Miss Tanzania ikiongozwa na Mkurugenzi wa Kampuni ya Lino International Agency, Hashim Lundenga  imewafunda ipasavyo warembo wanaoshiriki katika shindano la Redd’s Miss Kibaha 2013 litakalofanyika Mei 17 Ukumbi wa Container Mailimoja Kibaha, Pwani.

Akizungumza katika kambi ya warembo hao, Lundenga aliwataka wajijengee hali ya kujiamini na kila mshiriki asimwogope mwenzake na kila mmoja awe amejiwekea lengo la kufika katika shindano la kanda na hatimaye taifa.
Aidha, Lundenga amewaasa warembo hao kumpa sapoti mrembo atakayetwaa taji hilo.
“Endapo mrembo mwenzenu yeyote ataibuka na kutwaa taji, lazima mumpe sapoti kubwa, kwani ‘crown’ huvaliwa na mrembo mmoja tu, hivyo nawatakia kila la kheri katika shindano lenu na niwaahidi tutakuwa pamoja hadi siku ya shindano,” alisema.
Lundenda alionya kuwa mrembo atakayeonesha utovu wa nidhamu atatolewa katika shindano hata kama itakuwa ni siku ya fainali, hivyo amewataka wawe makini wakati wote.

Wakati huohuo, Miss Tanzania 2012 Briggite Alfred, aliyeambatana na kamati hiyo, alitumia fursa hiyo kuwatoa shaka ya mrembo kupangwa kuanzia katika ngazi ya awali hadi taifa.
“Warembo wenzangu, kwanza nawapongeza kwa hatua hii ya kujitosa kushiriki, kwani ni hatua kubwa, kwa sababu hata mimi nilianzia katika ngazi ya awali kama hii, lakini tangu nilipoingia katika shindano nilijiona ni mshindi hali iliyonijengea kujiamini hata nilipokwenda katika shindano la kanda na hatimaye taifa, hivyo nawatakia kila la kheri,” alisema.
Shindano hilo linaloandaliwa na Kampuni ya Linda Media Solution litapambwa na bendi ya Mashujaa ‘Wana Kibega’ huku kiingilio kikiwa sh 10,000 kwa VIP na viti vya kawaida sh 6,000.

Limedhaminiwa na Kampuni ya Bia Tanzania kwa kupitia kinywaji chake cha Redds Premium Cold, Shear Illusions, Fredito Entertainment, CXC Africa, Multichoice DSTV, Times FM, Michuzi Media Group (MMG), Santorine Holiday Resort, PR. Promotion, Aco Catering Servises, Amazon Night Club na  Panandipanandi Pub.

LWAKATARE KUACHIWA LEO !

HATMA ya dhamana ya Mkurugenzi wa Ulinzi na Usalama wa Chama cha Demokrasia na Maendeleo (CHADEMA), Wilfred Lwakatare itajulikana leo iwapo mawakili wake watakuwa wamekamilisha masharti yanayotakiwa.
Wiki iliyopita Jaji wa Mahakama Kuu Kanda ya Dar es Salaam, Lawrance Kaduri alimfutia Lwakatare mashtaka matatu ya ugaidi yaliyokuwa yakimkabili.

Jaji Kaduri alitoa uamuzi huo kutokana na ombi la mawakili wa Lwakatare; Tundu Lissu, Peter Kibatara na Mabere Marando la kutaka mahakama hiyo ipitie mwenendo mzima wa majalada ya kesi Na. 37 na 6 za mwaka huu zilizopo katika Mahakama ya Hakimu Mkazi Kisutu ambapo Mkurugenzi wa Mashitaka (DPP), Dk. Eliezer Feleshi alitumia madaraka yake kinyume cha sheria kuifuta kesi namba 37 ya mwaka huu.

Makosa yaliyofutwa ni la kula njama lililokuwa likiwakabili washtakiwa wote ambalo ni kinyume cha kifungu cha 24(2) cha sheria ya kuzuia ugaidi Na. 21 ya mwaka 2002, ambapo walidaiwa kutaka kumteka Mhariri Mtendaji wa Mwananchi, Denis Msaki kinyume cha kifungu cha 4(2)(c) (iii) cha sheria ya kuzuia ugaidi ya mwaka 2002.

Shitaka la tatu ni la kupanga kufanya makosa ya ugaidi kinyume cha kifungu cha 59(a) cha sheria ya kuzuia ugaidi kwamba Desemba 28 mwaka jana walishiriki katika mkutano wa kupanga kufanya vitendo vya kumteka nyara Msaki kinyume cha kifungu 4(2)(c) (iii) cha sheria ya kuzuia ugaidi.

Shitaka la nne, ambalo linamkabili Lwakatare pekee, ni la kuwezesha kutendeka kwa kosa la ugaidi kinyume cha kifungu cha 23(a) cha sheria ya kuzuia ugaidi, kwamba Desemba 28 mwaka jana, akiwa ni mmiliki wa nyumba iliyopo Kimara King’ong’o kwa makusudi aliruhusu kufanyika kwa kikao baina yake na Joseph Ludovick cha kutenda kosa la ugaidi la kutaka kumteka nyara Msaki.

Jaji Kaduri alisema amekubaliana na hoja ya mawakili hao kuwa shitaka la pili, tatu na la nne hayaoneshi kama Lwakatare alikuwa na nia ya kutenda kosa la ugaidi, hivyo atabakia na shtaka la kwanza ambalo ni kula njama kutaka kutumia sumu kwa lengo la kumdhuru  Msaki.

“Baada ya kusikiliza hoja za pande zote mbili, mahakama inatoa amri ya kumfutia Lwakatare mashitaka matatu, yaani kosa la pili, tatu na la nne kwa sababu Jamhuri imeshindwa kuonesha maelezo yanayotesheleza kumshitaki Lwakatare kwa kesi ya ugaidi.

“Naamuru jalada la kesi ya msingi lilirudishwe Mahakama ya Kisutu kwa ajili ya mshtakiwa kuendelea kushtakiwa kwa kosa moja la kula njama ambalo linaangukia katika sheria ya kanuni ya adhabu ya mwaka 2002,” alisema Jaji Kaduri.

Maandalizi ya dhamana
Wakizungumza na Tanzania Daima, mawakili wa Lwakatare, Kibatara na Marando, walisema mwishoni mwa wiki walikuwa wakifanya mchakato wa kupata hukumu ya Mahakama Kuu ili waipeleke Mahakama ya Kisutu.
Walisema mchakato huo ukikamilika watawasilisha hoja ya kutaka mteja wao apewe dhamana kwa hakimu anayeiendesha kesi hiyo ambaye ndiye atakayekuwa na uamuzi.

na Josephat Isango

Slaa amlipua JK

KATIBU Mkuu wa Chama cha Demokrasia na Maendeleo (CHADEMA), Dk. Willibrod Slaa amesema Rais Jakaya Kikwete ndiye analiyeliangamiza taifa.
Alibainisha kuwa kitendo cha Serikali ya Chama Cha Mapinduzi (CCM) inayoongozwa na Kikwete kushindwa kuchukua uamuzi makini katika masuala muhimu kwa taifa ndiko kunakoliangamiza na kuliteketeza.
Dk. Slaa alitoa kauli hiyo katika mikutano yake miwili aliyoifanya katika wilaya za Momba na Mbozi zilizopo mkoani Mbeya.
Alisema mgogoro wa uchinjaji wa nyama baina ya Waislamu na Wakristo iliyotokea hivi karibuni ni miongoni mwa masuala yanayoliweka taifa kubaya, lakini imechangiwa na serikali dhaifu ya CCM.
Aliongeza kuwa Rais Kikwete amekuwa na tabia ya kuchelewa kuchukua uamuzi sahihi na kwa wakati yanapojitokeza matatizo yanayotishia umoja, amani na mshikamano uliopo kwa muda mrefu hapa nchini.
Alibainisha kuwa migogoro mingi inayotokea hapa nchini inajengwa au kutengenezwa na serikali iliyojikita kusambaza sumu ya udini katika misikiti wakati wa kampeni za urais mwaka 2010.
Aliongeza kuwa katika kampeni hizo, Rais Kikwete na timu yake ilikuwa ikisaka kura kwenye nyumba za ibada na kumwaga sumu mbaya ya udini ambayo sasa inaitesa serikali na taifa.
“Hawa walitafuta kura kwa njia haramu, walimwaga sumu ya udini misikitini. Leo hii taifa linaanza kuhangaika kutatua mizozo ya Wakristo na Waislamu iliyozalishwa na utawala wa Rais Kikwete.
“Ubinafsi wa watu wachache unalisababisha taifa liingie katika hofu ya kutoweka kwa amani, Rais Kikwete hawezi kukwepa lawama za kutufikisha hapa tulipo,” alisema.
Aidha, Dk. Slaa alisema Tanzania inatajwa kuwa nchi masikini wakati si kweli kutokana na rasilimali ilizonazo ambazo zinawanufaisha watu wachache hasa wale waliopo madarakani.
“Tazameni ni mabilioni mangapi yanapotea Tunduma mpakani kwa ucheleweshwaji wa kuyahurusu magari ya mizigo kupita ili yaweze kufanya mzunguko huo mara nyingi, wangekuwa makini hakika Tunduma pangekuwa pamebadilika,” alisisitiza.
Aliongeza kuwa kazi ya CHADEMA ni kukosoa na kuibua hoja mpya kwa ajili ya ustawi wa maendeleo ya wananchi, hivyo wataendelea kufanya hivyo hadi pale serikali iliyoko madarakani itakapoamua kuzifanyia kazi changamoto zinazowakabili Watanzania.
“Kama kweli CCM itaweza kuteremsha bei ya simenti hadi kufikia chini ya shilingi 5,000 na bati zikauzwa kwa bei hiyo, elimu na afya vikatolewa bure kwa wananchi wetu, vijana wakapata ajira kutokana na kufufua viwanda vyetu vilivyokufa, basi CHADEMA hatutakuwa na sababu ya kugombana nao majukwaani,” alisema.
Kiongozi huyo aliwataka viongozi wa dini zote nchini kusimamia kikamilifu jukumu kubwa walilopewa na Mungu la kukemea haraka uvunjwaji wa haki ambayo ndiyo huzaa amani.
Awali akifungua matawi ya CHADEMA yapatayo 12 na kuzindua ofisi za chama hicho Wilaya ya Momba, Dk. Slaa aliwataka wananchi kuzitumia vema ofisi hizo kwa kupeleka malalamiko yao ili yapatiwe ufumbuzi mapema.
Naye Mbunge wa Mbozi Magharibi, David Silinde alisema CHADEMA kwa sasa hawana muda wa kuwajibu CCM hoja kwenye majukwaa bali sasa ni vitendo.
Silinde aliwataka wananchi wasiache kuwaonya wabunge wa CHADEMA kama kile wanachowatuma bungeni hawakifikishi.
Dk. Slaa alifika Tunduma juzi akitokea nchini Zambia alikokwenda kwa ziara ya siku tatu kutokana na mwaliko rasmi wa rais wa nchi hiyo, Michael Satta.

MALECELA NA MPASUKO WA KIDINI

Kwa siku za karibuni viongozi mbalimbali wa kitaifa na wastaafu wamekuwa wakitoa matamko ya kusisitiza amani nchini.

Dodoma/Pwani.Wakati Waziri Mkuu Mstaafu, John Malecela ameonya Watanzania kuhusu mpasuko wa kidini akibainisha kuwa utaigawa nchi vipande vipande, Rais Mstaafu, Ali Hassan Mwinyi ametoa wito maalumu akiwataka waumini wa dini tofauti kuvumiliana.

Malecela na Mwinyi walitoa kauli hizo mjini Dodoma na Kibaha, Pwani jana kwa nyakati tofauti, wote wakiwa na nia ya kusisitiza ulinzi wa amani ya nchi inayoanza kutetereka.

Kauli ya Malecela

Malecela alisema kwa namna ilivyo sasa, Tanzania imekuwa ni tofauti na ile aliyoanza kuiona yeye katika kipindi cha uhuru kwenye miaka ya 1960 wakati huo nchi ikiwa moja na watu wake wakiwa ni wamoja.

“Msipokuwa makini na amani yenu, nchi hii mtaigawa vipande vipande na kamwe amani ya kweli haiwezi kupatikana kwa mambo ya kusingiziana, badala yake tusaidiane sisi kwa sisi, na sisi na viongozi,” alisema.

Onyo la Malecela limekuja kutokana na mfululizo wa matukio ya uvunjifu wa amani na mpasuko wa kidini unaoanza kujitokeza nchini.

Malecela alieleza wasiwasi wake juu ya tofauti za kidini katika ibada maalumu ya kuombea amani iliyofanyika katika Kanisa Anglikana Chiwondo lililoko kijiji cha Hombolo katika Manispaa ya Dodoma.

Anafuata nyayo za viongozi wa kitaifa walioonya masuala ya udini kama Rais Jakaya Kikwete, Rais wa Zanzibar, Dk Ali Mohamed Shein, Waziri Mkuu Mizengo Pinda na Marais wastaafu, Mwinyi na Benjamin Mkapa pamoja na mawaziri wakuu wa zamani, Edward Lowassa na Frederick Sumaye.

Alisema waliovamia na kupiga bomu kanisani Arusha ambapo Balozi wa Vatican nchini, Francisco Montecillo Padilla alinusurika kuuawa, si wajinga na wanaweza kufanya mambo kama hayo eneo lolote nchini.

 “Kujenga nchi ni kazi ngumu sana lakini kuibomoa ni kitendo cha muda mfupi ambacho kinaweza kufanyika kwa kutumia sekunde chache ni lazima kuisaidia serikali katika kuitafuta amani,” aliongeza Malecela.

  Malecela ameonya baadhi ya watu kutochukua sheria mikononi kuhusu yale yanayowapata na badala yake waiachie Serikali yao kufanya uamuzi wa nini kifanyike ili amani ibaki.

XANADU LAUNCH